30/01/2013 15:32:04

BSH ul normen e interesit

Guvernatori i Bankës Ardian Fullani në konferencën e përmuajshme me median, shpjegoi se vendimi i Këshillit Mbikqyrës synon të nxisë më tej aktivitetin ekonomik nëkushtet e krizës ekonomike në eurozonë

TIRANE - Banka Qëndrore njoftoi të mërkurën se ka ulur normën bazë të interesit me 0.25 pikë përqindje duke e çuar atë në minimumin e saj historik 3,75%. Guvernatori i Bankës Ardian Fullani në konferencën e përmuajshme me median, shpjegoi se vendimi i Këshillit Mbikqyrës synon të nxisë më tej aktivitetin ekonomik nëkushtet e krizës ekonomike në eurozonë. Sipas Fullanit, vendi do të vazhdojë të ketë një ecuri pozitive gjatë vitit 2013, por ajo do të jetë e ngadaltë dhe nën portencilat e saj. Lehtësimi i mëtejshëm i kushteve monetare do të ndihmojë në respektimin e objektivit të inflacionit për periudhën afatmesme. Njëkohësisht do të nxisë më tej aktivitetin ekonomik në vend duke nxitur stimulin monetar në mbështetje të kërkesës së brendshme", deklaroi Guvernatori Fullani. BSH-ja ka ulur pesë herë brenda vitit 2012 normën e interesit duke e lënë atë deri në fund të javën e fundit të muajit janar 2013 në nivelin 4%.

HermesNews - ©2013

Dërgo me email | Stampo artikullin