29/01/2013 09:55:34

Vdes koloneli i Juntës ushtarake që drejtoi Greqinë për 10 vite

Dertilis ish-kolonel i ushtrisë, kishte marrë dënimin kapital për vrasjen e njëzetvjeçarit Mihalis Myroyiannis gjatë revoltës së studentëve

ATHINË - Nikolaos Dertilis, i fundit i mbetur gjallë nga protagonistët e grushtit të shtetit të 21 prillit të vitit 1967 në Greqi, vdiq dje si pasojë e një ishemie cerebrale në një spital në Athinë, në moshën 92 vjeç. Dertilis, ish-kolonel i ushtrisë, kishte marrë dënimin kapital për vrasjen e njëzetvjeçarit Mihalis Myroyiannis gjatë revoltës së studentëve të Universitetit Politeknik të Athinës, që çoi në rrëzimin e regjimit të kolonelëve të juntës ushtarake në vitin 1974. Për "motive parimore", siç ishte shprehur ai vetë, Dertilis ka refuzuar të nënshkruante kërkesën për lirim për të cilën kishte të drejtë të aplikonte për shkak të moshës dhe kushteve jo të mira shëndetësore. Gjatë dhjetorit të vitit të kaluar, Dertilis po ashtu kishte refuzuar lejen e posaçme që i ishte mundësuar nga ministria e Drejtësisë që të ishte i pranishëm në ceremoninë e varrimit të të birit, Vassilis, i cili ndërroi jetë në moshën 62 vjeç.

HermesNews - ©2013

Dërgo me email | Stampo artikullin