28/01/2013 07:48:00

Gati takimi i parë i partive aleate me PD-në

Brenda koalicionit dhe partitë e majta

TIRANE - Partia Demokratike zbardh emrat e partive që do të jenë në koalicion me të djathtën më 23 Qershor. Sipas selisë së PD-së, në aleancë me PD-në janë 21 parti politike, ku e vetmja parti e cila nuk ka vendosur akoma të hyjë në koalicion, është PDIU-ja. Koalicioni i ri i cili quhet “Ne Jemi Ndryshimi”, i njëjtë si slogani i PD-së i shpallur ditë më parë nga Kryeministri Berisha. Përbëhet nga 20 parti + PDIU-në, që mbetet e papërcaktuar. Risitë e këtij koalicioni janë kthimi i PDK-së dhe ADK-së, dy parti demokristiane. Një tjetër i rikthyer pas shumë vitesh është Dashamir Shehi, edhe pse në nivel lokal ka qenë disa herë me PD-në, kësaj radhe LZHK hyn në koalicion me PD-në, siç ka thënë. Takimi i koalicionit të ri do të bëhet me datat 29-30 Janar.

HermesNews - ©2013

Dërgo me email | Stampo artikullin