28/01/2013 07:14:35

Porti i ri në Durrës, vijon ndërtimi

Dhjetera automjete vetshkarkuese, makineri të rënda dhe mjete lundruese të specializuara vazhdojnë punimet për ndërtimin e portit të peshkimit në Durrës

DURRËS - Ndërtimi i portit të ri të peshkimit në Durrës po vijon me ritme të mira. Punimet për ndërtimin e skolierës barrierë me gurë, që do të shërbejë për krijimin e basenit ujor të portit të ardhshëm kanë arritur në gjysmën e tyre. Burime pranë kompanisë austriake Strabag SE, e cila po zbaton projektin e portit të peshkimit bënë të ditur se megjithë motin e keq dhe detin e trazuar veprimtaria ndërtuese ka vijuar rregullisht dhe nuk janë ndërprerë as në ditët e pushimit. Dhjetera automjete vetshkarkuese, makineri të rënda dhe mjete lundruese të specializuara vazhdojnë punimet për ndërtimin e portit të peshkimit në Durrës që nga fillimi i muajit dhjetor të vitit 2012 dhe sipas kontratës mes palëve projekti duhet të përfundojë brenda një periudhe 20-mujore. Ndërtimi i portit të peshkimit po realizohet me financimin e Bankës Islamike prej 14.6 milion dollarë, dhe do të mundësojë ankorimi i 130 motopeshkatoreve njëherësh.

HermesNews - ©2013

Dërgo me email | Stampo artikullin