28/01/2013 07:10:56

BE/ Berisha kërkon mendim për Referendumin e tre ligjeve

Kryeministri Berisha u kërkon qytetarëve në rrjetin social Facebook që të japin mendimin e tyre për zhvillimin e një referendumi për tre ligjet e bllokuara në Parlament

TIRANE - Kryeministri Berisha kërkon zhvillimin e një referendumi për miratimin e tre ligjeve të kërkuara nga Brukseli për marrjen e statusit të vendit kandidat.

Kryeministri Berisha u kërkon qytetarëve në rrjetin social Facebook që të japin mendimin e tyre për zhvillimin e një referendumi për tre ligjet e bllokuara në Parlament.

"Sot po ju drejtohem për të kërkuar mendimin tuaj për një vendim jetik për çdonjërin prej nesh, fëmijët tanë, të sotmen dhe të ardhmen tonë europiane. Ky vendim është miratimi me Referendum i tre ligjeve që kërkohen për marrjen e statusit të vendit kandidat për anëtare të BE nga Shqipëria", shkruan kryeministri.

"Duke ç'bllokuar me votën e qytetarëve statusin e vendit kandidat për Shqipërinë, ne sigurojmë qindra e qindra miliona euro investime direkte nga Komisioni Europian dhe sektori privat i B-së si dhe dhjetëra mijëra vende të reja pune për të papunët tanë, mijëra e mijëra bursa dhe të drejta studimi në vendet antare të BE-së për të rinjtë tanë," shkruan ai.

HermesNews - ©2013

Dërgo me email | Stampo artikullin