27/01/2013 16:00:08

Durres. Vritet kambisti 47 vjecar

Policia nis punen per kapjen e autoreve te vrasjes

DURRES- Një 47-vjeçar nga Durrësi ka mbetur i vdekur sot pasdite, pasi është qëlluar me armë zjarri nga persona ende të panjohur, të cilët më parë kanë tentuar ta grabisin.

Burime zyrtare nga drejtoria e policisë së qarkut bënë të ditur se ngjarja e rëndë ka ndodhur sot rreth orës 13.20 në plazhin e Durrësit, kur persona të armatosur kanë qëlluar për vdekje mbi 47-vjeçarin Fatmir Kotarja, i cili po kthehej me automjet në banesën e tij.

Kotarja, i cili drejtonte një pikë këmbimi valutor në të njejtën zonë, po kthehej nga puna në shtëpinë e tij në sektorin Iliria, kur është sulmuar me armë zjarri nga dy të panjohur, bënë të ditur burimet e policisë, sipas të cilave, po punohet intensivisht për kapjen e autorëve dhe zbardhjen e rrethanave të ngjarjes

HermesNews-©2012

Dërgo me email | Stampo artikullin