27/01/2013 15:54:30

Brazil. 245 viktima ne nje disko

Digjen te rinjte qe po festonin ne diskoteken Kiss

BRAZIL- Të paktën 245 persona humbën jetën të asfiksuar dhe dhjetëra të tjerë u plagosën pas një zjarri në orët e vona të së shtunës në një diskotekë në Santa Maria, një qytet në jug të Brazilit, sipas policisë. "Bëhet fjalë për 245 të vdekur dhe 48 persona të plagosur'', deklaroi komandanti i policisë ushtarake të rajonit, Cleberson Bastianello.

"Ishte e tmerrshme. Kam humbur një mik shumë të afërt. Daljet e shpëtimit ishin të pamjaftueshme. Ishte panik, kam humbur nga sytë mikun tim si pasojë e konfuzionit'', deklaroi për ''TV Band news'' një dentiste, e cila i mbijetoi katastrofës.

Presidentja, Dilma Rousseff anuloi një udhëtim në Kili ku do të merrte pjesë në një samit mes Amerikës latine dhe Bashkimit Evropian, për të qënë e pranishme në vendngjarje. "Dua t'i them popullit të Santa Marias që në këto momente rishtimi, ne jemi me ju'', deklaroi ajo me keqardhje para medias.

Sipas dëshmitarëve zjarri filloi rreth orës 02:00 të mëngjesit në diskotekën Kiss, në qendër të Santa Marias, një qytet universitar në pjesën më jugore të vendit.Zjarri shpërtheu si pasojë e performancës piroteknike të një grupi në skenën diskos ''Kiss'' në qytetin Santa Maria.

Edison Myrteza

Dërgo me email | Stampo artikullin