26/01/2013 09:46:54

Karakas: sherr në burg, 50 viktima

Autoritetet venezueliane kanë filluar hetimet e rastit për ngjarjen

KARAKAS - Të paktën 50 persona humbën jetën dhe 90 të tjerë u plagosën pas një zënke masive në burgun e Uribanas, në shtetin e Laras, në verilindje të Venezuelës, njoftuan sot burime spitalore vendase.

"Kemi afërsisht 90 të plagosur, shumica me armë zjarri si edhe shifrën alarmante të 50 të vdekurve'', deklaroi Ruy Medina, drejtor i spitalit ''Antonio Maria Pineda''. ''Të gjitha viktimat vijnë nga burgu i Uribanas'', shtoi ai.

Autoritetet venezueliane kanë filluar hetimet e rastit për ngjarjen. Organizata joqeveritare venezueliane thonë se kapaciteti i burgut ishte vetëm për 850 persona, ndërkohë që në të vuanin dënimin rreth 2 500 të burgosur.

HermesNews - ©2013

Dërgo me email | Stampo artikullin