25/01/2013 18:31:14

Japoni, centrali rrezikohet nga termeti

Kompleksi bërthamor në Kashiwazaki-Kariwa, që numëron shtatë reaktorë, është mbyllur aktualisht si pasojë e tërmetit në Niigata në vitin 2007 dhe për shkak të masave të reja të sigurisë të ndërmarra pas aksidentit në Fukushima

TOKIO - Centrali më i madh bërthamor në Japoni mund të jetë plotësisht ose pjesërisht i destinuar që të mbyllet për shkak të zonave sizmike, që konsiderohen si aktive sipas standardeve të reja të sigurisë. Kompleksi bërthamor në Kashiwazaki-Kariwa, që numëron shtatë reaktorë, është mbyllur aktualisht si pasojë e tërmetit në Niigata në vitin 2007 dhe për shkak të masave të reja të sigurisë të ndërmarra pas aksidentit në Fukushima. Të gjitha centralet në Japoni janë mbyllur që nga aksidenti në Fukushima me përjashtim të atij në Ohi, në perëndim të vendit. Por Kashiwazaki-Kariwa, e shfrytëzuar nga "Tokio Electric Power" (Tepco) ashtu si centrali në Fukushima, është ndërtuar pjesërisht mbi zona sizmike. "Udhëzimet e reja do të zbatohen në korrik, më pas ne do të rivlerësojmë sipas kësaj baze sigurinë e secilit central bërthamor në Japoni", deklaroi një zyrtar.

HermesNews - ©2013

Dërgo me email | Stampo artikullin