25/01/2013 06:00:40

Spanja 'në gjunjë': rritet me 26,02 përqind papunësia

Në fund të muajit dhjetor, Spanja numëronte 5 965 400 të papunë, rreth 187 300 më shumë se tremujorin e mëparshëm, njoftoi Instituti Kombëtar i Statistikave (INE)

MADRID - Paunësia në Spanjë ka regjistruar rritje në tremujorin e fundit 2012 me 26,02 për qind të popullsisë aktive, sipas shifrave zyrtare publikuar sot, ndërkohë që vendi mbetet i zhytur në recesion dhe i është nënshtruar masave shtrënguese të pazakonta. Në fund të muajit dhjetor, Spanja numëronte 5 965 400 të papunë, rreth 187 300 më shumë se tremujorin e mëparshëm, njoftoi Instituti Kombëtar i Statistikave (INE). Përqindja e papunësisë në fund të tremujorit të tretë ishte vendosur 25,02 për qind dhe parashikimet e qeverisë, me 24,6 për qind për fundin e vitit 2012, janë tejkaluar lehtë. Kjo rritje e mëtejshme e papunësisë i shtohet rëndimit të mundshëm të recesionit në të cilin është zhytur ekonomia e katërt e zonës euro që prej fundit të vitit 2011. Për të reduktuar deficitn e rëndë publik, Spanja ka ndërmarrë një pragram shtrëngues që parashikon rikuperimin e 150 miliardë eurove nga 2012 deri në 2014.

HermesNews - ©2013

Dërgo me email | Stampo artikullin