24/01/2013 18:26:37

Lajmin e për të Edi Rama e dha në Twitter

Mesazhi, ishte një kënaqësi që u takuam në Tiranë. Jam e kënaqur nga diskutimet që patëm rreth Shqipërisë dhe lidhjeve historike mes dy shteteve tanë

TIRANË - Sekretarja amerikane e Shtetit, Hillary Clinton i ka dërguar një letër kreut të PS-së, Edi Rama, në të cilën vlerëson takimin dhe diskutimet që zhvilloi me kryesocialistin, gjatë vizitës në Shqipëri. Letra e znj.Klinton u bë e ditur nga Rama nëpërmjet rrjetit social Twitter. Në letrën drejtuar Ramës, Sekretarja amerikane e Shtetit shprehet se "ishte një kënaqësi që u takuam në Tiranë. Jam e kënaqur nga diskutimet që patëm rreth Shqipërisë dhe lidhjeve historike mes dy shteteve tanë". "Ju falenderoj gjithashtu edhe për emblemën prej argjendi me shqiponjën dykrenare.Ky simbol i rëndësishëm shqiptar do mbtetet një kujtim shumë i mrekullueshëm i vizitës sime në Tiranë", shkruan në letrën e saj Clinton. Me 1 nëntor të 2012, Sekretarja Amerikane e Shtetit zhvilloi një vizitë zyrtare në vendin tonë në kuadër të 100 vjetorit të pavarësisë së Shqipërisë.

HermesNews - ©2013

Dërgo me email | Stampo artikullin