24/01/2013 10:25:38

Lamtumire komisar Musa Skura !

Trageti që do sillte trupin e tij në portin e Durrësit, ishte parashikuar të ankorohej në orën 09.00 të mëngjesit, por për shkak të motit të keq dhe detit me dallgë, mësohet se trageti do të vonohet

TIRANË - rupi i Shefit të Krimeve të Burrelit, Musa Skura, që ndërroi jetë tre ditë më parë në Foggia të Italisë, ka mbërritur në Durrës dhe pritet të transportohet për në Tiranë.

Në terminalin e trageteve kanë dalë për të pritur korteun e përmotshëm drejtues të lartë të Policisë së Shtetit, Prefekti i qarkut të Durrësit, Genc Alizoti, të afërm dhe kolegë të komisar Skurës.

Mbërritja e tij në kryeqytet pritet të bëhet pas përfundimit të procedurave në portin e Durrësit, ndërsa fillimi i homazheve pritet të jetë në orën 11.00 deri më 12.30.

Ceremonia e varrimit do të zhvillohet nga ora 12.30 deri më 13.30 në varrezat e Dëshmorëve të Kombit. Kreu i krimeve të Matit, Musa Skura, humbi jetën në një spital në Itali, pasi u plagos në krye të detyrës gjatë një operacioni policor mbrëmjen e 13 janarit në fshatin Suç, në zonën e quajtur Përroi i Keçit, në Mat.

Ai qëndroi për dy ditë në Spitalin Ushtarak në Tiranë, ku iu nënshtrua disa ndërhyrjeve kirugjikale. Dy ditë pas ngjarjes, kreu i krimeve të Burrelit u dërgua për një ndihmë më të specializuar në spitalin e Foggias në Itali, por nuk mundi të mbijetojë si pasojë e plagëve të marra.

HermesNews - ©2013

Dërgo me email | Stampo artikullin