23/01/2013 10:45:01

Diplomacia shqiptare mbledh ambasadorët për situatën në Preshëve

Shqiperia ka dënuar ashpër aktin e shëmtuar të heqjes së memorialit të dëshmorëve në Luginën e Preshevës dhe u ka bërë thirrje shqiptarëve në Serbinë e Jugut , por dhe më gjerë, për t’u vetëpërmbajtur nga reciprociteti i akteve të dhunës të treguara nga Qeveria serbe

TIRANE - Pas situatës së krijuar së fundi në Luginën e Preshevës, ku forca të xhandarmërisë serbe hoqën përmendoren e ngritur në nder të dëshmorëve të UCPMB-së, Ministri ynë i jashtëm Edmond Panariti do të zhvillojë sot një sërë takimesh të njëpasnjëshme me diplomatët më të rëndësishëm të akredituar në vendin tonë. Takimet zhvillohen në harkun kohor mes orës 09.00-15 e 30. I pari me të cilin do të diskutojë mbi gjendjen në Preshevë, si dhe efektet e krijuara prej saj, është Ambasadori Amerikan Aleksandër Arvizu, (takim ky që është duke u zhvilluar), në orën 14 e 30 Panariti do të presë ambasadorin e OSBE-së Eugen Wollfarth, në ora 15.00 ambasadorin e BE-së, Ettore Sequi, në 15 e 30 atë Britanik, Nicholas Canon, në ora 16.00 ambasadoren Gjermane Carola Holtkemper dhe për ta përbyllur diskutimin në ora 16 e 30 me ambasadoren Franceze Christine Moro.

HermesNews - ©2013

Dërgo me email | Stampo artikullin