23/01/2013 10:13:25

Dëborë në mbi 1000 metër lartësi

Reshjet e dëborës kanë prekur vetëm fshatrat e thella si, Shishtavecin, Grykë Cajën, Kalisin, Arrnin dhe ndonjë tjetër, ku trashësia e dëborës nuk i kalon 10 centimetrat

KUKES - Janë shfaqur reshje dëbore pas mesnatës në zonat rurale verilindore. Reshjet e dëborës në lartësinë e mbi 1000 metrave mbi nivelin e detit kanë qenë me intensitet të ulët dhe kanë shërbyer vetëm sa për të ndalur reshjet e shiut që vazhdonin prej dy ditësh e që kanë shkaktuar rrëshqitje dheu e gurësh mbi rrugë në disa akse rrugore, por pa shkaktuar ndonjë problem. Reshjet e dëborës kanë prekur vetëm fshatrat e thella si, Shishtavecin, Grykë Cajën, Kalisin, Arrnin dhe ndonjë tjetër, ku trashësia e dëborës nuk i kalon 10 centimetrat. “Të gjtiha akset rrugore janë të kalueshme, ndërsa për shkak të shtresave të akullit në disa segmente lëvizja duhet kryer me zinxhirë”, thotë përgjegjësi i zyrës së emergjencave civile në prefekturën e Kukësit, Azem Tema. Sipas tij, “pavarësisht reshjeve të dëborës gjatë orëve të natës, akset rrugore janë të kalueshme, ndërsa vetëm në disa segmente të akseve rrugore Kukës - Qafë Shllak, Krumë - Bajram Curri, Bajram Curri - Qafë Mali, përdorimi i zinxhirëve është i domosdoshëm për shkak të shtresave të akullit”.

HermesNews - ©2013

Dërgo me email | Stampo artikullin