23/01/2013 10:03:19

Netanyahu premton për angazhimet e para

'Parimi kryesor, ka në thelbin e tij forcimin e kapacitetit dhe fuqisë së Izraelit përballë sfidave me të cilat do të përballemi dhe fillimisht është e nevojshme dhe emergjente ndalimi i Iranit'

TEL AVIV - Kryeminsitri izraelit në detyrë dhe lideri i koalicionit politik të djathtë Likud-Beitenu, Benyamin Netanyahu, deklaroi gjatë orëve të para të mëngjesit të sotëm vullnetin ''për formimin e një qeverie me një përfshirje sa më të gjerë politike'' që do të ketë në themelet e saj pesë parime bazë, pas publikimit të rezultateve të zgjedhjeve të djeshme.

''Parimi kryesor, ka në thelbin e tij forcimin e kapacitetit dhe fuqisë së Izraelit përballë sfidave me të cilat do të përballemi dhe fillimisht është e nevojshme dhe emergjente ndalimi i Iranit, që ky i fundit të mos arrijë të pajiset me një armë bërthamore'', u shpreh ai gjatë një fjalimi të mbajtur para një turme të madhe simpatizantësh të kampit të tij politik, para të cilëve u shpreh i bindur për fitore.

''Ne kemi arritur një fitore të padiskutueshme dhe do ta vazhdojmë rrugën tonë sipas planeve'', u shpreh ai, ndërsa mbështetësit e pritën me ovacione dhe brohorima.

HermesNews - ©2013

Dërgo me email | Stampo artikullin