21/01/2013 16:53:25

Pengmarrje/ 37 shtetas te huaj vriten ne Algjeri

Rreth 37 të huaj nga tetë shtete të ndryshme u vranë gjatë kësaj ngjarje të përgjakshme

ALGJER - Të paktën 37 të huaj, një algjerian dhe 29 pengmarrës u vranë gjatë sulmit dhe marrjes peng nga një grup islamik të qindra punonjësve në një kompleks gazi në Saharanë algjeriane, njoftoi sot kryeministri algjerian, Abdelmalek Sellal. "Bëhet fjalë për një bilanc paraprak'', theksoi ai. Pesë shtetas të huaj vazhdojnë ët rezultojnë të zhdukur pas sulmit që u zhvillua nga e mërkura deri në shtunën në kompleksin e madh të gazit ''In Amenas'', në jug të Algjerisë.

"Rreth 37 të huaj nga tetë shtete të ndryshme u vranë gjatë kësaj ngjarje të përgjakshme'', deklaroi ai në një konferencë shtypi. Sellal nuk dha informacione për kombësinë e viktimave. Mes të huajve të vdekur të konfirmuar nga vendet e tyre bëjnë pjesë një francez, një amerikan, dy rumun, tre britanikë, gjashtë filipinas dhe shtatë japonezë.

Me 37 viktimave të huaja, shtatë nuk janë identifikuar ende'', theksoi Sellal.
Pengje të shumta u ekzekutuan me një plumb në kokë'', shtoi ai duke nënvizuar se rreth 790 persona punonin në këtë qendër, 134 prej të cilëve shtetas të huaj nga 26 kombësi, sipas të njëjtit burim. ''Nga ana e pengmarrësve, 29 prej tyre janë vrarë dhe tre janë arrestuar'', sipas kryeministrit. ''Të 32 terroristët kishin ardhur nga pjesa veriore e Malit'', shtoi ai.

HermesNews - ©2013

Dërgo me email | Stampo artikullin