21/01/2013 16:04:34

Produktet bujqesore, pa taksa doganore

Kërkesa e një grupi të agrobiznesit shqiptar dhe homologët e tyre kosovarë do t'i kërkojnë shpejt Qeverive respektive heqjen e taksave doganore ndërmjet Shqipërisë dhe Kosovës

TIRANE - Këshilli i Agrobiznesit Shqiptar (KASH) dhe Aleanca e Biznesit të Kosovës në fillim të muajit të ardhshëm, do ti kërkojnë zyrtarisht qeverive respektive të Shqipërisë dhe asaj të Kosovës heqja e barrierave doganore për produktet bujqësore shqiptare.

Presidenti i KASH-it, Enver Ferizaj në një prononcim për mediat u shpreh të hënën se, "dy kryeministrave, Sali Berisha dhe Hashim Thaçi pritet që t’u kërkohet marrja e masave për heqjen e taksave dhe lehtësimin e procedurave për shkëmbimet mes dy vendeve, me argumentimin se një hap i tillë nuk do të ndikojë negativisht mbi buxhetet e dy vendeve por do të forcojë ekonomitë resëpektive përmes krijimit të tregut unik të produkteve bujqësore shqiptare".
Shkembimet tregtare mes Shqipërisë dhe Kosovës po njohin ecuri progresive pozitive, sidomos në fushën e bujqësisë. Këtë fakt e zyrtarizojnë të dhënat zyrtare nga INSTAT , sipas të cilës ka një rritje të dukshme të nivelit të eksportit dhe importit të prodhimeve bujqësore dhe blegtorale nga të dy vendet.
Konkretisht, sipas INSTAT , eksportet nga Shqipëria drejt Kosovës, gjatë 2012 janë rritur me 9 milionë euro. Kurse importet me 2.6 milionë. Në përqindje, vlerat e tyre respektive, janë me rritje rreth 16% në krahasim me vitin 2011, dhe rreth 11%. Por pavaresisht shifrave, Ferizaj gjykon, se këto shkëmbime ende nuk janë në nivelin e duhur, pasi ka vend për më shumë intensifikim të tyre, nisur dhe nga dëshira e konsumatorëve nga të dy vendet për të konsumuar sa më shumë prodhime vendore.

HermesNews - ©2013

Dërgo me email | Stampo artikullin