21/01/2013 15:36:28

FRD, do t'ia kthejmë demokracinë qytetarëve

Topi: '...qytetarët nuk janë të pandjeshëm ndaj demokracisë, por pjesëmarrja e tyre e ulët në votime ka një shkak: ata janë të zhgënjyer nga politika'

TIRANË - Fryma e Re Demokratike zhvilloi sot dialog të hapur me qytetarët pukjanë. Kryetari i FRD-së, Bamir Topi, deklaroi se FRD do të hartojë projekte zhvillimi për të vënë administratën publike në funksion të qytetarëve dhe jo për xhepat e individëve të veçantë. Shqiptarët, theksoi Topi, "nuk janë të pandjeshëm ndaj demokracisë, por pjesëmarrja e tyre e ulët në votime ka një shkak: ata janë të zhgënjyer nga politika. Demokracia shqiptare nuk është monopol i dy individëve, por monopol i gjithë shqiptarëve. Kryeministri shfrytëzon mediat dhe hyn abuzivisht në jetët tona familjare, veprime të cilat nuk janë pjesë e traditës shqiptare”. Duke u ndalur te ngjarja e 21 janarit e dy viteve më parë, kryetari i FRD-së ju shprehu edhe njëherë ngushëllimet familjeve të viktimave dhe bëri thirrje që shteti të funksionojë në ato standarde që e meritojnë shqiptarët. Sekretari i Përgjithshëm i FRD-së, Gazmend Oketa, duke komentuar qeverisjen e sotme, vuri në dukje se kjo është qeveria ku buxheti nuk është në gjendje t’i përgjigjet në kohë qytetarëve me paga e pensione.

HermesNews - ©2013

Dërgo me email | Stampo artikullin