20/01/2013 16:12:34

Presheve. Neser proteste popullore

Te gjithe shqiptaret e Lugines ne sheshin kryesor

PRESHEVE- Në Preshevë nesër në mesditë në Sheshin e Dëshmorëve të Kombit do të mbahet një protestë gjithëpopullore e shqiptarëve të Luginës së Preshevës. Vendimin e përfaqësuesve të shqiptarëve të Luginës së Preshevës e bëri të ditur pak më parë kryetari i komunës, Ragmi Mustafa, pas takimit të sotëm të përfaqësuesve të shqiptarëve të Luginës së Preshevës, si reagim pas heqjes në mëngjes nga xhandarmëria serbe të lapidarit me emrat e shqiptarëve të rënë.

Duke folur drejtpërdrejtë nga Presheva për Televizionin e Kosovës, numri një i komunës së banuar mbi 90 për qind nga shqiptarët vlerësoi reagimet dhe mesazhet nga Tirana e Prishtina zyrtare. Mustafa bëri të ditur se situata e përgjithshme në Preshevë është nën kontroll me dëshmim të demokracisë e paqdashtësisë së popullatës shqiptare atje, ndërsa ftoi komunitetin ndërkombëtar për mbrojtjen e të drejtave të shqiptarëve të Luginës së Preshevës.

Sipas njoftimeve më të fundit nga Presheva, të gjitha partitë politike atje do të mbledhin krerët e tyre sonte për të parë se si do të veprohet në të ardhmen. Liderët e shqiptarëve në Luginë të Preshevs bëjnë apel tek qytetarët për qetësi dhe qëndrim në shtëpitë e tyre.

Sipas njoftimeve, përfaqësuesit e shqiptarëve në Preshevë kërkojnë që çështja e Luginës së Preshevës urgjentisht të trajtohet edhe në Bruksel në bisedimet në mes Kosovës dhe Serbisë./

HermesNews-©2012

Dërgo me email | Stampo artikullin