19/01/2013 15:13:19

Tirane. Kapen 56 kg cannabis sativa

Vihen nen pranga dy persona te arrestuar

TIRANE- Forcat e policisë së Tiranës bllokuan sot një sasi prej rreth 56 kg lëndë narkotike e llojit “cannabis sativa” si dhe arrestuan dy persona si mbajtes të saj.

Burime zyrtare nga policia e Tiranës bënë të ditur se, strukturat kundër Narkotikëve, në kuadër të Operacionit “Start 2013” bënë të mundur arrestimin me akuzen e shitjes se narkotikeve të shtetasve Fatos Hidaj, 35 vjec dhe Edmond Hidaj, 28 vjec, me banim në Krujë.

Sipas policisë, arrestimi në flagrancë i tyre, u arrit pas posedimit të informacioneve policore mbi këta shtetas, përgjatë momenteve të transportimit të lëndës narkotike e dyshuar cannabis sattiva, nga qyteti i Krujës për në drejtim të kryeqytetit.

Sasia e lëndës narkotike prej 56 kg kishte destinacion shitjen për tregun e Tiranës. Forcat e policisë bënë bllokimin e automjetit tip Reno furgon, në posedim të këtyre shtetasve si dhe sekuestrimin e sasisë së narkotike në qëndër të Bathores, Tiranë. Aktualisht nga strukturat e policisë, vazhdon puna e specialziuar hetimore për çështjen në bashkëpunim me Prokurorinë e Rrethit Gjyqësor Tiranë

HermesNews-©2012

Dërgo me email | Stampo artikullin