18/01/2013 12:24:28

Gati skema e re e ndihmes ekonomike

Përjashtohet nga skema e ndihmës ekonomike 2658 familje që trajtoheshin jashtë kritereve të përcaktuara në kuadrin ligjor

TIRANË - Gjatë vitit 2012 janë përjashtuar nga skema e ndihmës ekonomike 2658 familje që trajtoheshin jashtë kritereve të përcaktuara në kuadrin ligjor. Dëmi financiar që i është shkaktuar shtetit nga këto abuzime kap vlerën e 8.1 milionë lekëve. Sipas të dhënave nga Siç bëhet e ditur , kontrollet do të vazhdojnë në të gjitha njësitë vendore, pasi edhe për vitin 2013, ky mbetet objektiv kryesor i Ministrisë së Punës, Çështjeve Sociale dhe Shanseve të Barabarta.

Për këtë vit nga kjo ministri synohet rritja e mbështetjes për shtresat në nevojë dhe ulja e varfërisë, nëpërmjet rritjes së masës së ndihmës ekonomike për familje në masen 5.6%. Gjithashtu do të nisë pilotimi i skemës së re të ndihmës ekonomike në qarqet Tiranë, Durrës dhe Elbasan, që do të garantojë transparencë më të madhe, targetim më të mirë të grupeve dhe individëve në nevojë, duke përfshirë në skemë edhe familje dhe individë që aktualisht nuk përfitojnë ndihmë, por edhe duke përjashtuar çdo familje apo individ që abuzon.

Numri i personave me aftësi të kufizuar, të cilët trajtohen me këtë pagesë, kap shifrën e rreth 150 mijë personave. Familjet që trajtohen me ndihmën e skemës ekonomike shkon në 99500 familje. Në total fondi për vitin 2012 që ka akorduar qeveria për këtë kategori personash ka kapur shifrën e rreth 168 milionë dollarëve. Gjatë vitit të kaluar inspektorët e Shërbimit Social Shtetëror kryen rreth 240 kontrolle nëpër njësitë vendore.

HermesNews - ©2013

Dërgo me email | Stampo artikullin