18/01/2013 10:36:23

Tokio thërret ambasadorin algjerian për pengjet e vrara

as sulmit të kryer dje nga ushtria algjeriane, kryeministri japonez, Shinzo Abe i kërkoi homologut algjerian, Abdelmalek Sellal që të protestonte dhe të kërkonte ndërprerjen e menjëhershme të këtij veprimi.

(10:40) NEW YORK - SHBA nuk u njoftua nga autoritetet algjeriane për operacionin ushtarak për lirimin e pengjeve nga një grup ekstremistësh islamikë, i konfirmuan medias burime të administratës amerikane. Gazeta ''Wall Street Journal'' shton se administrata Obama kishte paralajmëruar autoritetet algjeriane për të patur kujdes, sepse një ndërhyrje joefektive do të rrezikonte pengjet. ''Përpara fillimit të sulmit i thamë qeverisë algjeriane se jeta e pengjeve duhej të ishte përparësi absolute'', tha një funksionar i administratës amerikane, i cili kërkoi të mos identifikohej.


TOKIO - Ambasadori i Algjerisë në Tokio u thërrit sot në Ministrinë japoneze të Punëve të Jashtme për çështjen e pengjeve duke përfshirë dhe japonezë, në një vendburim gazi në Algjeri, ku ushtria ndërhyri me forcë, njoftoi një zyrtar i diplomacisë japoneze. ''Ambasadori, Sid Ali Ketrandje duhej të pritej nga një zëvendësministër'', theksoi një zyrtar i ministrisë. Pas sulmit të kryer dje nga ushtria algjeriane, kryeministri japonez, Shinzo Abe i kërkoi homologut algjerian, Abdelmalek Sellal që të protestonte dhe të kërkonte ndërprerjen e menjëhershme të këtij veprimi. Për shkak të kësaj krize, Abe vendosi sot të limitojë turneun në Azi në mungesë të informacioneve të pakta për fatin e 14 japonezëve, që rezultojnë të humbur dhe të kthehet nesër në mëngjes në Toki. "Ai do të anulojë një pjesë të programit në Indonezi duke përfshirë një fjalim politik dhe një darkë me presidentin, Susilo Bambang Yudhoyono, për të qenë në Tokio herët në mëngjes'', deklaroi një zyrtar.

HermesNews - ©2013

Dërgo me email | Stampo artikullin