18/01/2013 08:07:40

Maskat grabisin furgonin

Policia ka nisur hetimet. Ky nuk është rasti i parë në këtë zonë

BURREL - Rikthehen maskat në aksin Milot-Burrel. Persona me maska dhe armë kanë grabitur një furgon të linjës në vendin e quajtur Shkopet. Policia ka nisur hetimet. Ky nuk është rasti i parë në këtë zonë, ku persona të maskuar dhe nën kërcënimin e armëve, tentojnë grabitjen e mjeteve të udhëtarëve, madje mësohet se i njëjti furgon është grabitur me 2 janar të këtij viti. Sipas policise, dy persona te paidentifikuar, te moshes rreth 20-24 vjeç, i kane vjedhur me dhune (sipas pretendimeve te tij) rreth 20 mije leke shtetasit Rajmond Kurti, rreth 45 vjeç, banues ne Peshkopi, i cili po udhëtonte i vetëm me automjetin e tij Wolcvagen autoveturë me targa AA 224 EK, ne kete segment rrugor. Ne vendngjarje kane shkuar sherbimet e policise, te cilet po punojne per percaktimin e vendit te sakte te ndodhjes se ngjarjes, identifikimin dhe kapjen e autoreve.

HermesNews - ©2013

Dërgo me email | Stampo artikullin