17/01/2013 19:45:59

Greqi, spitalet grevë 24 orëshe

Federata Kombëtare e Mjekëve të Spitaleve, Oenge, e ka organizuar këtë grevë së bashku me mjekët që punojnë në sektorin privat të shëndetësisë greke

ATHINË - Spitalet publike greke dhe studiot dentare qëndrojnë të mbyllura për 24 orë duke nisur nga dita e sotme, në shenjë proteste kundër masave drakoniane të shtrëngimit ekonomik për të cilat ata shprehen se po e gjymtojnë shërbimin e shëndetësisë në Greqi. Federata Kombëtare e Mjekëve të Spitaleve, Oenge, e ka organizuar këtë grevë së bashku me mjekët që punojnë në sektorin privat të shëndetësisë greke. E mbështetur nga Federata e Punonjësve të Spitaleve Publike, Oenge ka në plan një tjetër grevë 24-orëshe më 31 janar, ku do të kërkojë anulimin e "vendimeve shkatërruese të Ministrisë greke të Shëndetësisë".

HermesNews - ©2013

Dërgo me email | Stampo artikullin