17/01/2013 12:21:41

Arrest me burg për njeriun që plagosi shefin e krimeve në Mat

Seanca me dyer të mbyllura për shkak të sekretit hetimor të çështjes

TIRANË - Gjykata e Krimeve të Rënda vendosi sot masën e sigurisë arrest me burg ndaj shtetasit Fitim Alla, njërin prej të akuzuarve për plagosjen e shefit të krimeve në komisariatin e policisë së Matit, Musa Skura.

Seanca për vleresimin e masës së sigurisë ndaj tij, u zhvillua me dyer të mbyllura për shkak të sekretit hetimor të çështjes. Nga burime pranë kësaj gjykate mësohet se i pandehuri Fitim Alla ka dhënë një deklarim të shkurtër mbi çështjen. “Unë kam qenë i dehur, nuk e di se çfarë kam bërë”, mësohet të ketë thënë ai para trupit gjykues.

Ndërkohë që, Gjykata pritet të japë masën edhe ndaj dy të akuzuarve të tjerë, Vilson Milkurti dhe Edison Lleshi. Këta persona dyshohen se janë përgjegjës për sulmin ndaj shefit të Krimeve në Komisariatin e Policise së Matit, Musa Skura, pak ditë më parë në rrethin e Matit.

Skura, mbeti i plagosur rëndë me armë zjarri gjatë operacionit për kapjen e disa personave të kërkuar nga organet e rendit. Pas ngjarjes, Skura, është dërguar për mjekim të specializuar në Itali.

HermesNews - ©2013

Dërgo me email | Stampo artikullin