17/01/2013 09:29:11

Vriten 34 pengje së bashku me ekstremistët në Algjer

ë paktën 34 pengje dhe 15 rrëmbyes humbën jetën nga një sulm ajror i ushtrisë algjeriane

(18:28) Të paktën 34 pengje në një zonë gazi në Algjeri dhe 15 rrëmbyes humbën jetën sot nga një sulm i ushtrisë algjeriane, bënë të ditur burime zyrtare vendase. "Të paktën 34 pengje dhe 15 rrëmbyes humbën jetën nga një sulm ajror i ushtrisë algjeriane", theksuan burimet zyrtare vendase. Sipas burimeve, rrëmbyesit u përpoqën të transportonin një pjesë të pengjeve drejt një vendi më të sigurtë në bordin e disa automjeteve, kur ushtria algjeriane sulmoi në rrugë ajrore. "Ndër pengjet e vrarë figurojnë edhe perëndimorë", shtuan burimet zyrtare pa dhënë hollësi të mëtejshme. Megjithatë ky informacion nuk u konfirmua nga Algjeria, as nga burime të pavarura.


(12:15) Sipas stacionit televiziv Al Jazeera, terroristët që kanë marrë peng 41 persona dhe që kanë nën kontroll një zonë gazi në In Amenas, kërcënojnë se do të vrasin një prej pengjeve, një qytetar britanik, nëse ushtria algjeriane, që rrethon zonën, nuk heq dorë nga elimiminimi i tyre. ''Al Jazeera'', që pretendon se është në kontakt me një nga pengmarrësit, tha se dy pengje janë plagosur nga të shtënat e ushtrisë algjeriane.


ALGJER - Forcat e sigurisë rrethuan dje një zone gazi në lindje të Algjerisë, ku një grup islamikësh lidhur me rrejetin Al-Kaeda mbante peng 41 persona dhe kërkonte ndërprerjen e ndërhyrjes ushtarake franceze në Mali. Shtetas nga SHBA, Japonia, Franca dhe Britania e Madhe bëjnë pjesë mes pengjeve, sipas rrëmbyesve. ''Edhe shtetas aziatikë janë gjithashtu pjesë e pengjeve'', sipas një prej pengjeve, cituar nga televizioni ''France 24''. Ministri algjerian i Brendshëm, Dahou Ould Kablia, përjashtoi çdo negociatë me pengmarrësit, pasi kishin njoftuar se sulmi i djeshëm, ndjekur nga marrjet peng, kishte shkaktuar dy të vdekur, një britanik dhe një algjerian. ''Autoritetet nuk i përgjigjen kërkesave të terroristëve dhe refuzojnë çdo negociatë'', theksoi ai.

HermesNews - ©2013

Dërgo me email | Stampo artikullin