16/01/2013 17:50:48

Moska mbyll konsullaten ne Alepo

Moska ka vendosur mbylljen e konsullatës ruse në qytetin sirian Alepo pas masakrës së djeshme, ku një sulm i dyfishtë në një universitet shkaktoi vdekjen e të paktën 80 personave'

MOSKË - Moska ka pazulluar të gjithë veprimet e konsullatës së saj në qytetin sirian Alepo dhe e ka mbyllur zyrën diplomatike, pas masakrës së djeshme ku një atentat i dyfishtë në universitetin e qytetit shkaktoi vdekjen e të paktën 80 personave, në sfondin e një lufte civile që po zhvillohet prej disa muajsh në rajon, njoftoi ministria e Jashtme ruse. ''Moska ka vendosur mbylljen e konsullatës ruse në qytetin sirian Alepo pas masakrës së djeshme, ku një sulm i dyfishtë në një universitet shkaktoi vdekjen e të paktën 80 personave'', deklaroi ministria e Jashtme ruse përmes një komunikate. Po ashtu departamenti i diplomacisë ruse njoftonte se shtetasit e Rusisë që ndodheshin në Siri për çdo eventualitet mund t'i drejtoheshin departamentit konsullor të ambasadës së Moskës në Damask.

HermesNews - ©2013

Dërgo me email | Stampo artikullin