16/01/2013 17:28:00

Permiresohet shendeti i Drita Pelingut

Aktorja 86 vjeçare humbi ekuilibrin dhe pati disa dëmtime në trup, për të cilat u shtrua në reanimacion

TIRANË - Aktorja Drita Pelingu, pas aksidentit që pësoi në shtëpinë e saj, është shtruar në spital, gjë që ka anulluar edhe shfaqjen "Përjetësisht dashuria…" në Teatrin Kombëtar.

Aktorja 86 vjeçare humbi ekuilibrin dhe pati disa dëmtime në trup, për të cilat u shtrua në reanimacion. Familjarët e saj bëjnë me dije se tashmë gjendja e aktores se njohur të teatrit dhe kinemase shqiptare, është përmirësuar dhe vetë aktorja është shprehur se do të jetë e gatshme të ngjitet në skenë këtë fundjavë.

"Përjetësishtë dashuria…" ishte parashikuar të çelte sezonin artistik të TK-së, fundjavën që shkoi. Shfaqja e autorit dhe regjisori Mihal Luarasi, e pati premirën në qershor të vitit të shkoi dhe do të rikthehet përsëri për publikun në skenën e TK-së.

Drita Pelingu është një emër që mbart me vete një karrierë 65 vjeçare në aktrim, regji dhe pedagogji. Drita Pelingu është femra e parë që u fut në shkollën e dramës dhe ndër themeluesit e Teatrit Kombëtar. Dy rolet e saj të fundit kanë qënë në shfaqjet “Shtrigat e Salemit” dhe “Përjetësisht dashuria...”, për të cilat publiku e ka duartrokitur gjatë. Ka interpretuar në 130 role, ku më shumë se gjysma janë si protagoniste.

HermesNews - ©2013

Dërgo me email | Stampo artikullin