16/01/2013 17:15:09

Mali feston fitoren e trupave franceze

Me valëvitjen e flamurit tringjyrësh francez, sipas mediave lokale, shumë qytetarë vendas, shprehin gëzimin dhe mirënjohjen e tyre për shtetin francez dhe kreun aktual, presidentin François Hollande

TUNIZ - Operacionet e ndërhyrjes ushtarake të nisura nga Parisi që prej pak ditësh në mbështetje të trupave qeveritare të Malit, kanë nxitur në Bamako një valë entuziazmi të jashtëzakonshëm kundrejt Francës dhe gjithë shtetasve të saj. Me valëvitjen e flamurit tringjyrësh francez, sipas mediave lokale, shumë qytetarë vendas, shprehin gëzimin dhe mirënjohjen e tyre për shtetin francez dhe kreun aktual, presidentin François Hollande. Mediat vendase po ashtu njoftojnë edhe për një gjest akoma edhe më të madh të qytetarëve në Bamako, kryesisht çifteve të reja, të cilët gjatë këtyre ditëve kanë pritur ardhjen në jetë të fëmijëve të tyre, shumë prej të cilëve në shenjë mirënjohjeje ndaj kreut të shtetit francez dhe Parisit, janë quajtur ''Hollande''. ''Shumë prej të porsalindurve të dy ditëve të fundit në spitalet e kryeqytetit tonë mbajnë tashmë emrin Hollande, këtë e kanë vendosur prindërit e tyre në shenjë mirënjohjeje ndaj Parisit, për ndihmën që po i jep popullit tonë'', deklaronin burime mjekësore nga spitalet e Bamakos./

HermesNews - ©2013

Dërgo me email | Stampo artikullin