16/01/2013 08:47:08

Mahmuod Ahmadinexhad premton bashkëpunim me Sirinë

'Bashkëpunimi mes dy vendeve është në interes të dy popujve dhe atyre të rajonit'

TEHERAN - Presidenti iranian, Mahmuod Ahmadinexhad theksoi angazhimin e Iranit për "bashkëpunim" me Sirinë, aleati kryesor rajonal, gjatë një takimi në Teheran me kryeministrin sirian, Wael al-Halaqi, bënë të ditur sot burime mediatike iraniane. "Bashkëpunimi mes dy vendeve është në interes të dy popujve dhe atyre të rajonit", deklaroi Ahmadinexhad pas këtij takimi. "Padyshim, populli sirian do të arrijë të kalojë kushtet e vështira sot", theksoi presidenti iranian duke iu referuar luftës civile, që ka shkaktuar më tepër se 60 000 të vdekur, sipas OKB-së. Ai gjithashtu theksoi shpresën e tij se sulmet kundër popullit sirian do të përfundojnë së shpejti dhe se paqja dhe siguria do të rikthehen në Siri.

HermesNews - ©2013

Dërgo me email | Stampo artikullin