15/01/2013 18:04:02

Suedi: 50 automjete ne nje aksident

Tre të vdekur, rreth 20 persona janë plagosur

STOKHOLM - Të paktën tre persona kanë humbur jetën sot nga një përplasje kolosale për shkak të mjergullës dhe ngricave në jug të Suedisë, njoftoi policia.

"Kemi konfirmimin e tre të vdekurve. Rreth 20 persona janë plagosur", deklaroi zëdhënësi i policisë, Jimmy Nordin. "Aksidenti përfshiu rreth 50 automjete", theksoi ai. Sipas publikimit elektronik të gazetës lokale, "Helsingborgs Dagblad", 100 automjete janë përfshirë në përplasje.

"Aksidenti ndodhi pas orës 11:00, në një urë të autostradës 'E4' në veri të Aastorp", theksoi kolegia e tij, Cindy Schonstrom-Larsson. "Rruga është rrëshqitëse dhe shikueshmëria është e keqe", shtoi Nodin. Autostrada "E4" pritet të qëndrojë e mbyllur deri në mesnatë.

HermesNews - ©2013

Dërgo me email | Stampo artikullin