14/01/2013 18:04:01

'Patriot' operative ne Shkurt

'Ne parashikojmë që raketat 'Patriot' do të jenë operative që nga fillimi i shkurtit, madje edhe më herët', deklaroi Lungescu për mediat

BRUKSEL - Raketat "Patriot", të dislokuara në Turqi, do të jenë operative që nga fillimi i shkurtit, madje edhe më herët, u shpreh sot zëdhënësja e NATO-s, Oana Lungescu. "Ne parashikojmë që raketat 'Patriot' do të jenë operative që nga fillimi i shkurtit, madje edhe më herët", deklaroi Lungescu për mediat. Ajo theksoi se transporti i pajisjeve dhe instalimi i tyre në pjesën jugore të Turqisë ishin duke u kryer dhe do të vazhdonin edhe për disa javë. Të gjashtë bateritë 'Patriot' kanë ardhur nga tre vendet e NATO-s, SHBA-ja, Gjermania dhe Holanda. Ankaraja kishte filluar bisedimet me NATO-n për dislokimin e raketave pas sulmeve nga Siria, që shkaktuan vdekjen e pesë civilëve në lokalitetet turke në tetor.

HermesNews - ©2013

Dërgo me email | Stampo artikullin