14/01/2013 17:55:31

Presidenti Obama thërret papritur një konferencë për shtyp

Argumenti dhe tema kryesore e kësaj konference nuk është specifikuar ende, por ka shumë gjasa që kreu i Shteteve të Bashkuara të Amerikës të mbajë një fjalim lidhur me çështjen e shumëpërfolur të kontrollit të armëve të zjarrit

NEW YORK - Shtëpia e Bardhë njoftoi pak më parë për zhvillimin e një konference të papritur për shtyp të presidentit Barack Obama, rreth 11:15 me orën e Uashingtonit. Argumenti dhe tema kryesore e kësaj konference nuk është specifikuar ende, por ka shumë gjasa që kreu i Shteteve të Bashkuara të Amerikës të mbajë një fjalim lidhur me çështjen e shumëpërfolur të kontrollit të armëve të zjarrit në vend, rreth një muaj pas tragjedisë në Sandy Hook. Ndërkohë që nesër pritet që një propozim lidhur me këtë çështje të paraqitet zyrtarisht nga zëvendëspresidenti amerikan, Joe Biden. Nga ana tjetër lobi i prodhuesve të armëve të zjarrit dhe mbështetësit e tij po bëjnë një rezistencë të ashpër kundër shtrëngimit të masave për kontrollin ndaj armëve të zjarrit.

HermesNews - ©2013

Dërgo me email | Stampo artikullin