14/01/2013 12:16:52

Japoni, anulohen 500 fluturime: shkak, reshjet e debores

Dëbora, trashësia e së cilës arriti në 12 centrimetra, mbuloi sot qytetin e Yokohamas dhe Tokion, ku trashësia e dëborës arriti në 10 centimetra

TOKIO - Më shumë se 500 fluturime të brendshme u anuluan dhe linjat e trenave u ndërprenë sot në Japoni, veçanërisht në rajonin e Tokios, për shkak të reshjeve të dendura të dëborës shoqëruar me erëra të forta në një pjesë të madhe të vendit, sipas stacionit televiziv NHK, agjencia e kohës dhe grupeve të transportit.

Dëbora, trashësia e së cilës arriti në 12 centrimetra, mbuloi sot qytetin e Yokohamas dhe Tokion, ku trashësia e dëborës arriti në 10 centimetra. ''Bëhet fjalë për reshjet e para të dëborës këtë dimër në rajonin e Tokios'', theksoi NHK.

Në këto kushte, vetëm një prej katër pistave ishte ende e hapur në aeroportin Haneda, në afërsi të kryeqytetit dhe aksi rrugor dhe hekurudhor në Narita ishte bllokuar.

Në Tokio, dy kompanitë japoneze ''Japan Airlines'' (JAL) dhe ''All Nippon Airways'' (ANA) kishin ulur fluturimet respektivisht në 293 dhe 207 fluturime të brendshme dhe parashikuan dhe anulime të tjera në funksion të situatës atmosferike.

HermesNews - ©2013

Dërgo me email | Stampo artikullin