11/01/2013 14:51:33

Mediat, Greqia do të jetë më keq në fund të vitit

Përqindja e papunësisë do të arrijë në 38,4 në fund të vitit 2013-të

ATHINË - Në tetor të vitit të kaluar, shkalla e papunësisë në Greqi arrinte në 26,8 për qind, njoftoi shërbimi kombëtar statistikor grek, ELSTAT, ndërkohë që gazeta greke ''Eleftherotipia'' thotë se kjo përqindje do të arrijë në 38,4 në fund të vitit 2013. Gazeta tjetër greke "Angjeloforis" njoftoi se vitin e kaluar mbetnin pa punë çdo ditë rreth 1 000 persona. Nga tetori i viti 2011 deri në tetorin e vitit 2012 pa punë kanë mbetur përafërsisht 370 000 njerëz. Numri i të papunëve u rrit në 1,34 milionë njerëz, prej të cilëve më i madhi në Selanik. Gazeta "Ta Nea" thekson se problem thelbësor i shoqërisë greke është papunësia sepse ka shtëpi ku nuk punon asnjë person, ndërkohë që gjysma e të rinjve janë jashtë tregut të punës.

HermesNews - ©2013

Dërgo me email | Stampo artikullin