11/01/2013 09:28:18

Hyn në fuqi projektiligji për emigracionin

Ligji i ri/ Qytetarët do të kenë të drejtë të udhëtojnë jashtë

HAVANË - Kubanezët do të kenë të drejtë të udhëtojnë jashtë vendit duke nisur nga dita e hënë, pas hyrjes në fuqi të projektligjit për migracionin vendosur nga presidenti, Raul Castro dhe shumë i mirëpritur nga popullsia.

"Duke nisur nga 14 janari, të gjithë personat mbi 18 vjeç do të mund të udhëtojnë jashtë ishullit'', deklaroi për televizionin kubanez koloneli, Lamberto Fraga, një nga zyrtarët e shërbimeve të imigracionit.

Minorenët mund të udhëtojnë jashtë vendit me kusht të jenë të pajisur me autorizimet e noterizuara nga prindërit e tyre. Nga ky ligj do të përfitojnë rreth dy milionë kubanezë që vijnë nga jashtë vendit, si 80 për qind në SHBA, kryesisht në Florida, si dhe sportistët dhe profesionistët që janë larguar nga vendi gjatë turneve apo misioneve jashtë vendit.

Presidenti, Raul Castro kishte njoftuar më 16 tetor se reforma e migracionit, masa e parë më e rëndësishme sociale e regjimit komunist duke i hapur rrugët jashtë vendit kubanezëve, do të aplikohej më 14 janar 2013.

HermesNews - ©2013

Dërgo me email | Stampo artikullin