08/01/2013 16:50:42

Netanyahu, kompromis nëse pranohemi si shtet

'Izraeli i vërtetë është një vend që kërkon vetëm paqe, punon për ta arritur atë dhe është i gatshëm të bëjë edhe kompromise'

JERUSALEM - Kryeministri izraelit, Benyamin Netanyahu deklaroi sot gjatë një fjalimi të mbajtur në një manifestim të organizuar nga 'Taglit', shoqatë që merret me imigrimin e të rinjve izraelitë, se ''sfidat e mëdha me të cilat ata përballeshin dhe rreziku më i madh për botën nuk derivonte nga hebrejt që ndërtonin banesa në qytetin e tyre Jerusalem, por nga armët bërthamore të Iranit dhe nga armët kimike në Siri, që mund të binë në duart e individëve të gabuar''. ''Ky është rreziku tek i cili duhet të përqëndrohemi'', theksoi ai. ''Izraeli i ka të qarta këto rreziqe dhe është i fokusuar tek ato..., por u bëjmë thirrje liderëve të komunitetit ndërkombëtar të bashkohen me ne dhe të përballemi sëbashku me sfidat e vërteta me të cilat i gjithë njerëzimi përballet sot'', veçoi Netanyahu. ''Izraeli i vërtetë është një vend që kërkon vetëm paqe, punon për ta arritur atë dhe është i gatshëm të bëjë edhe kompromise. Por kërkojmë një paqe reale në të cilët shteti ynë të njihet, të pranohet dhe të ekzistojë i sigurtë përgjithmonë'', përfundoi kreu i qeverisë izraelite.

HermesNews - ©2013

Dërgo me email | Stampo artikullin