08/01/2013 11:32:13

Përmbytje në Indi, viktima dhe dëme

Pjesa më e madhe e viktimave është regjistruar në shtetin Uttar Pradesh, ku temperaturat minimale kanë zbritur në zero gradë Celcius

NEW DELHI - Nuk duket te ketë të ndalur vala e fortë e të ftohtit që ka përfshirë rajonet veriore të Indisë ku deri tani si pasojë e temperaturave ekstreme kanë mbetur të vdekur 175 persona, kryesisht të pastrehë dhe të moshuar, njoftoi agjencia e shtypit Pti.

Pjesa më e madhe e viktimave është regjistruar në shtetin Uttar Pradesh, ku temperaturat minimale kanë zbritur në zero gradë Celcius.

Autoritete kanë urdhëruar mbylljen e shkollave që nuk kanë sisteme ngrohjeje dhe sipas meteorologëve, vala e të ftohtit pritet të zbutet në ditët e ardhshme.

Moti i keq po shfaq efektet e veta negative dhe tek rreth 20 milionë banorët e Nju Delhit ku javën e kaluar u regjistrua dita më e ftohtë e 44 viteve të fundit.

Ndërkohë po ashtu probleme të rënda në qarkullimin ajror dhe atë hekurudhor ka krijuar një re të dendur mjegulle që ka përfshirë të gjithë rajonin.

HermesNews - ©2013

Dërgo me email | Stampo artikullin