08/01/2013 08:42:42

Trenat, të vlefshëm në çdo kohë për transport

Sikurse bizneset dhe transporti hekurudhor i pasagjerëve u rrit me 36.6% në 3-mujorin e tretë ndaj të dytit në vitin që sapo u mbyll

TIRANË - Bizneset shqiptare po rrisin përherë e më shumë transportin e mallrave përmes linjave hekurudhore së bashku me qytetarët, për shkak të rritjes së ndjeshme të çmimit të karburanteve që shoqëroi vitin 2012. INSTAT njoftoi së fundi se transporti hekurudhor i mallrave në volum/km u rrit 117.5% më shumë në 3-mujorin e tretë 2012 ndaj të dytit, ndërsa për efekt të krizës ekonomike, rezulton me ulje 21.5% ndaj 3-mujorit të tretë 2011. Sikurse bizneset dhe transporti hekurudhor i pasagjerëve u rrit me 36.6% në 3-mujorin e tretë ndaj të dytit në vitin që sapo u mbyll. Në total, nga 4.234 mijë pasagjerë/km që lëvizën përmes linjave hekurudhore në tremujorin e dytë, në tremujorin e tretë u regjistruan 5.783 mijë pasagjerë/ km.

HermesNews - ©2013

Dërgo me email | Stampo artikullin