07/01/2013 11:15:53

Izrael, dështon Blloku anti-Likud

Tre faktorët politik mblidhen në prag të zgjedhjeve

TEL AVIV - Përfundoi pa asnjë rezultat konkret takimi i organizuar nga tre faktorët politik të qendrës së majtë, që nisi në orët e vona të natës së kaluar me qëllim formimin e një Blloku anti-Likud ndërkohë që duhen vetëm dy javë për zhvillimin e zgjedhjeve në Izrael. Liderja e partisë laburiste, Shelly Yehimovic dhe eksponentët e qendrës, Tzipi Livni, kryetare e Tnua dhe Yair Lapid, kreu i Yesh Atid, kanë konstatuar se qasjet e tyre janë shumë të ndryshme përkundrejt fitores së parashikuar elektorale të listës së djathtë Likud-Beitenu të Benyamin Netanyahut dhe Avigdor Lieberman. Sipas Livnit teorikisht është e mundur t'i imponohet Netanyahut, pas zgjedhjeve, formimi i një qeverie uniteti kombëtar ku të përfshihen edhe tre platformat e qendrës së majtë, njokohësisht duke lënë jashtë partitë ortodokse dhe ultranacionalistët. Ndërkohë Yehimovic kërkon një qasje më radikale, ose të merret drejtimi i një qeverie të ardhshme ose kalimi në opozitë në mënyrë të ashpër.

HermesNews - ©2013

Dërgo me email | Stampo artikullin