07/01/2013 07:20:43

Bruksel, arrestim i bujshëm i 47 vjeçarit me nënshtetësi shqiptare

Mediat publikuan vetëm inicialet L.P. dhe bëjnë të ditur se ai kërkohet për një vrasje të kryer 21 vjet më parë

BRUKSEL - Arrestohet në Bruksel një 47-vjeçar shqiptar i dënuar me burgim të përjetshëm për vrasje në Shqipëri në vitin 1992. Lajmi u dha nga mediat belge që bëjnë të ditur se arrestimi është kryer në një kafene në rrugën "Chauss’e de Ninove". Mediat publikuan vetëm inicialet L.P. dhe bëjnë të ditur se ai kërkohet për një vrasje të kryer 21 vjet më parë. Sipas mediave belge shtetasi nga Shqipëria 47-vjeçari është mbajtur nën mbikëqyrje që prej 20 Dhjetorit të kaluar. L.P. kishte udhëtuar drejt Belgjikës me pasaportë false me një identitet të rremë. Ai ka deklaruar para policisë se nuk ka kryer asnjë vrasje në Shqipëri, por shenjat e gishtërinjve kanë vërtetuar të kundërtën.

HermesNews - ©2013

Dërgo me email | Stampo artikullin