07/01/2013 06:31:21

Bashar al-Assad ul tonet: thirrje për negociata

Problemet duhet të zgjidhen me dialog mes sirianëve, pa ndërhyrjet e ndërkombëtarëve që ai i quajti pushtues

DAMASK - Presidenti sirian, Bashar al-Assad mbajti të dielën një fjalim të rrallë, për herë të parë pas shtatë muajsh. Fjalimi i presidentit Assad u përqëndrua mbi përleshjet mes forcave qeveritare dhe kryengritësve që kanë filluar prej marsit të vitit 2011 dhe që sipas OKB-së kanë shënuar më tepër se 60 000 viktima. Në fjalimin drejtuar kombit, Assad bëri thirrje për bisedime me “opozitën e vërtetë” dhe jo me ata që përdorin gjuhën e terrorizmit dhe që “është e manipuluar nga të huajt”. Ai tha se duhet të ndalet shkatërrimi i vendit dhe se problemet duhet të zgjidhen me dialog mes sirianëve, pa ndërhyrjet e ndërkombëtarëve që ai i quajti pushtues. Presidenti sirian parashtroi edhe një plan për periudhën e tranzicionit, që parashikon uljen e armëve, nisjen e bisedimeve, një marrëveshje për një Kushtetutë të re të vendit, Qeveri të re, amnisti për të burgosurit e luftës, etj.

HermesNews - ©2013

Dërgo me email | Stampo artikullin