04/01/2013 17:46:05

Sondazhi/ Monti në vend të katërt

Partia Demokrate (PD) mori 35,3 për qind të mbështetjes për zgjedhjet e 24 dhe 25 shkurtit

ROMË - Koalicioni i partive i kryesuar nga kryeministri në ikje, Mario Monti renditet në vendin e katërt duke arritur 12 për qind të nivelit të mbështetjes për zgjedhjet e ardhshme legjislative, që do të zhvillohen në shkurt, sipas një sondazhi të publikuar sot.

Partia Demokrate (PD) mori 35,3 për qind të mbështetjes për zgjedhjet e 24 dhe 25 shkurtit, e ndjekur nga "Populli i Lirisë" (PDL), partia e Silvio Berlusconit, që mori 19,5 për qind të nivelit të mbështetjes, sipas sondazhit të kryer nga Instituti "Tecne" për llogari të rrjetit televiziv vendas, "Sky Italia".

"Lëvizja Pesë Yje" (M5S) e ish-komedianit, Beppe Grillo renditet në vendin e tretë me 16 për qind. Të tre partitë politike të kryesuar nga Mario Monti morën së bashku 12 për qind të mbështetjes, vetëm "Lista Monti", një lëvizje e krijuar kohët e fundit, mori gjashtë për qind. "Sondazhi u zhvillua më 29 dhjetor dhe janë pyetur rreth 600 persona", theksoi "Tecne".

HermesNews - ©2013

Dërgo me email | Stampo artikullin