03/01/2013 12:22:45

Viti 2013-të do të jetë me prespektiva pozitive për shtetin helen

Prioritet në pensionet e ulëta, kompensimet që u hoqën për më të dobëtit dhe në politikën tatimore, veçanërisht përsa i përket TVSH, që mbetet ende e lartë

ATHINË - Viti 2012 ishte një vit i vështirë dhe 2013-a nuk do të jetë i lehtë, por brenda këtij viti do të duket perspektiva për një të nesërme më të mirë, deklaroi kryeministri grek, Antonis Samaras, në mesazhin e vet me rastin e vitit të ri.

''Në 2013-n do të bëjmë kërcimin drejt të ardhmes, 2013-a simbolizon fillimin e rilindjes së vendit'', shtoi kryeministri dhe uroi që të vihet në rrugë të mbarë ekonomia, për t’u korrigjuar padrejtësitë, duke luftuar për rimëkëmbjen e vendit.

Duke iu referuar posaçërisht korrigjimit të padrejtësive, kryeministri theksoi se ''jemi angazhuar për t’i vënë në vend padrejtësitë. Dhe do ta mbajmë fjalën tonë''.

Kryeministri përcaktoi se objektiv të vitit të ri ringritjen sa më parë të ekonomisë dhe luftën kundër evazionit fiskal. Samaras iu referua edhe reformave duke theksuar se ''kohët e fundit guxuam reforma dhe ndryshim e që askush nuk mund t'i imagjinonte vitin e fundit''.

HermesNews - ©2013

Dërgo me email | Stampo artikullin