01/01/2013 09:31:22

Një vend pune për të gjithë ata që ende nuk e kanë

Nishani i falenderon të gjithë. Kemi ende për të bërë

TIRANE - Presidenti i Republikës, Bujari Nishani, ka uruar nëpërmjet një njoftimi të gjithë shqiptarët në mbarë botën. "Festa e ndërrimit të viteve ka një veçanti. Më tepër se çdo festë tjetër, për vetë karakterin e saj, si një tundim të cilit nuk i qëndron dot, kjo festë të fut në mendime për kohën, për rrjedhën e kohës, për të kaluarën, të tashmen, të ardhmen, si ishim, si jemi, si do të jemi. Uroj gjithashtu me gjithë zemër për një sistemim sa më të shpejtë, ata që aftësi kanë, shkollë, dëshirë dhe vullnet kanë, por ende nuk kanë një punë !", shkruan Presidenti Nishani, i cili në mesazhin e tij uron dhe qytetarët shqiptarë që jetojnë jashtë. "Përshëndes dhe uroj së largëti emigrantët, studentët, të cilët nuk mundën të ndodhen pranë të afërmve !"


"Kemi bërë goxha rrugë, u jep besim Nishani shqiptareve. Ishim një burg i madh i rrethuar me tela, brenda të cilit hanim me racione dhe duhej të lëviznim me pasaportë me vete. Tani kemi rrugë, autostrada, makina, banka, supermarket. Punojmë, udhëtojmë, ndërtojmë, fitojmë, shpenzojmë, konsumojmë...për secilin prej jush, për të dashurit tuaj, për familjet tuaja, për të gjithë ju: Shëndet, punë, mirëqenie, kthjelltësi, paqe dhe fat. Gëzuar !", përfundon mesazhi që Presidenti i shqiptarëve i uroi dje qytetarëve.

HermesNews - ©2012

Dërgo me email | Stampo artikullin